Rap et Ragga, qui est l'aînée ?

Messages: 30

Hotep ba tout moun a Gwadayouth!
Le Rap selon les Jamaïcains seraient le fils du Ragga. Moun ki ni dokiman assi orijinn a rap épi ragga palé tanprisouplé !!

Messages: 143

Selon konésans Hiphop an mwen Rap et Reggae sé ti moun a "Ska" (ki soti Jamayik)...Donk si Jamayikin la di ki owijin' a Rap sé Jamayik ok, mè si yo di sé Ragga i fè Rap, awa!

Messages: 299

WE la......mwen ka rete an kapital la "washington DC" eve an tand di papa rap se boulagyel gwadloupeyin......ay di i pa vre [Clin doeil]

Messages: 30

Sa vré sa, sé pétèt Boulagyèl pap'a rap-la; chonjé son a missié Joffroi an Gwoup Kan'nida " Pou dé mango ". Bougasa ni prèss otann flo ki TWISTA !!! [Krakaka!]

Mè pou alé alorijinn a loralité, sé owa lafrik de louwest fo nou gadé...Sé tradision a lempire du Mali, du Songhay épi du Ghana, tinn lé Griots ki téka voyé pawol asou mizik (djenbé, balafon ki manman xylophone, kora égypto-africaine...)
An savé kè tout sé moun-la an karayib-la érité dé moun a kont kon Benzo, men a Jamayik, téni pis afriken de louwest selon chif a esklav épi révolt lé Kroumanti é Ashanti monté an Jamayik;é sé évolusion a sa asou enstruman modènn ki ba'y sa lèpawan pa émé tann [Mort de rire]

: Rap é Ragga.
Kon star J épi E2xos, si yo té sav [Ok dakor!]

Messages: 299

Bakari mwen an jenr an ako epiw, me pou zafe a boulaguyel la, mwen ka viv an kominote karaybeen....an poko voue moun ka bat tambou kon gwadloupeyin, dayie mem an deba a misik tradisyonel an karayb'la tini 3 bet a manniyok: gwadloupeyin,ayisien epi kiben. dayie pou yon gade ki peyi ka soti plis album tradisyonel (strikly po a kabrit). nou ja konnet.mwen fe de perkisionnist washington DC koute koleksyon a gwo-ka an mwen, jis jodi jou se bougga ka bigidi. dayie mem jis group brezilien olodum paka pe doubout douvan akiyo. gwadloupeyin pa oubliyie se tambou ka samble neg.

Messages: 30

97 one, an dako èvè'w 100% Boug. [Ok dakor!]

Sèl biten an ka vwè ki diféran ant sé twa lilèt-la , Ayiti, Kiba épi Gwada, pani onlo moun ka rikonèt ké yo sé Nèg an Gwada-la.
An jwènn déotwa Kiben ka sanb blan tèlman yo sé métis, mè sé bouga ka di yo sé "Afrocubanos"
Kant a Ayisyen, pa hèm palé!
Onlo Brézilien osi ka rikonèt yo kon "Afrobrazilien".
Pas' mèm si ni on pakèt mélanj, kilti Nèg douvan é sa ka ini pèp-la.
Isidan, nou poko adan inité a kilti-la, nou pis gadé po a nonm ki kouté son a po a kabrit!
Yékrik ? Mè ni dèotwa ki koumansé suiv...Yékrak.
épi 0-1, BF MANN, mèsi pou fos-la [Ok dakor!]

[ 03-10-2002, 11:06: Message édité par : bakari ]

Messages: 299

yes kompatriyot ..jis pou diw bakari mwen mem an se metis ,la mater corse epi le pater gwada....me se eve son a tambou la mwen leve. kon on ka di se foss a kilti la . dayie mem es zot pa tand konn a lambi sonne , i ja le pou nou samble. an kite gwadloup an 91 pou lamerik , mwen oubliyie ekri fwanse depi lontan, me kreyol toujou rete ou suiv [Clin doeil]

. foss ba zot tout. SOUBA FOR LIFE.

Messages: 30

Yéla,0-1 réyèl pawol!
Asou ki sit ou tchenbé awtik-tala ?
Ka zot ka pansé dè angajman nèg a artiss an rap, ragga é reggae An rap-la,a paw dé KRS 1, Afrika Bambata, Public enemy, Poor righteous teachers ... ki sé ansien, konyéla, an pa gè ka vwè "conscious style" mélanjé a anbians' rap-la.
Jénéralman, an ka vwè moun a reggae/ragga pa pè palé dè kilti Afriken yo érité,an ka chonjé lé Black Uhuru (Uhuru vé di inité an kiswahili an ka kwè), Ashanti album a Sizzla (Ashanti sé moun ka rété Ghana é Kotdivwaw), Muta baroka ki ka jwé adan fimm Sankofa... Pou rap-la, An ka chonjé GHOST FACE KILLA adan camay té ka baw i pa émé négrèss gwosiwo,pisémé yenki métis-asiatik
oben rim'ay asou Ayisien [Awa!]

mèm si sé lé WU-TANG sé African killa bees !!! [Wayayay!]

Zafè a po-la anko tout koté [Bhouhou!]

[ 07-10-2002, 17:27: Message édité par : bakari ]

Messages: 854 · Golden Lyricist Inscrit le: 15 Nov 2001 Messages: 854 Localisation: An laboula!

Man, ou obliyé 2 ti missyé trè impowtan: Dead Prez!!! Original African Warriors...Si ou pa konèt' ay tchèk album a yo "Let's get free". Mos Def èvè Talib Kweli ka baw li réyèl osi! Paw kont' pou zafè a Ghosface Killah, mèt mwen o kouran [Kibitin!]

, paské missyé sé boug an mwen èvè i ka fè pawti di la "5 Percent Nation", on owganizasyon pro-blak a tout'!

Bref, sé awtis la la! mè sa domaj moun paka achté CD a yo kon moun ka achté Cd bling bling a band' Jay-Z èvè Cash Money Mill....On dot ti missyé ki ka représent' sé Nasir A.K.A. Nas.

O nivo local, moun (hip hop) ki ja ban mwen'y "Conscious" kon sa sé Gaz Explicit ! Sa testé sé warriors la sa! [Egrito!]

Messages: 299

an bel foss pou zot kompatriyot !!! kon zo ja konstate mwen 100% dako eve sa zo ka di, me kon dabitib mwen toujou ka esaye resentre deba la, ouplito gade ka ki pe positif pou pep an mwen. an rete 20 lanne an gwadloup epi 11 lanne am amerik. tou kalite misik toujou grivite alantou an mwen.biten moun ka di ke rap ka trouve orijin ay direktman an afrik.....sa byen bell mai ka nou ka esaye demontre NOUS autres caribeans ???? black americans got their history , WHAT ABOUT US ???? the all world knows about malcom X, Martin L. King.....KRS1....what about US ??? do you think a second they know about us or even give a F... about us. the reality here in the state is a little bite different. I'm gonna tell you what is truly african....lewoz,mayole,mokafa,vodou,santeria,shango,comdomble....just to name a few. alo kon nou ka di si nou inme biten a neg prochen fwa le nou kay pou achte an CD misik a RAP meriken an nou gade osi ta van leve,kan'nida,voukoum,boukman guinen....paske avan rap pa oubliye se tambou ki ni, epi avan yo: se NOU. bon le zom an ka espere an pa tro anmerde zot epi pawol an mwen , alo sonje mwen paske an kay fet an plen lessens adan an moman ....ban gade si pon *curieux* pa foute mwen pon kou-fisi. regis de washington DC. ola biten ka bay. [Wayayay!]

[ 13-10-2002, 00:51: Message édité par : 97.one-la ]

Messages: 30

Mèsi 97-1 la on pakèt pakèt. Ou tinn on zié ki déwo a Péyi-la (pis mwen toujou rété Gwada) é kon Gwan Nèg té ka di mwen : "la renaissance vient de l'extérieur" ; ou ka vwè pi fasilman fot nou ka fè ki po ka fè pèp-la vansé.Donk, fo nou rataché nou épi mizik, kilti an nou avan nou gadé aka lévwazen mèm si yo sé fanmi! An konprann sa'w té ka di.
BF mann [Ok dakor!]