Du côté du Conte ....

Messages: 876 · Modératrice Inscrit le: 11 Oct 2003 Messages: 876

GRAN RIVYE ZABITAN

Té ni on ti rivyè Gwadloup ki té ka koulé an pwent a pli ho mòn Zabitan, i té an penn toubòlman.On jou, on zozyo ki té ka bwè ti dlo fré a rivyè la sa di-y ni on lanmè owa Zabitan.

Sa fè rivyè la telman plézi tann sa, kiffè i mété an tèt a-y fo y ay vwè lanmè-la;mè sa té rèd toubòlman.Dabò pou yonn, konpè soley pwan vwa a mèt a-y, pou vèti-y i ké pini-y, si i nòz a-y vwè lanmè-la.

Bon déotwa jou pasé, mé lanvi a ti rivyè-la té toujou fò.Chak lè y té ka fè mannèv pou désann, on gwo wòch toujou té ka baré chimen a-y.An final di kont, sé pli gwo woch la ki di-y kon sa:"tout piti an-nou ké ménné-w anlè-la, mé fo ou sav apresa ou ké mò."

Rivyè la di dakò, y pran chimen desann.I sòti adan tout' brouya é fwadi a ho-mònn, i fann an koulé Bojann ki pé pa pli bèl ki sa.An fen dé fen i mouyé zabitan épi rivé an lanmè- la.
Konpè Soley pa té kontan menm, padawa ti rivyè-la pa té kouté-y.Pou pini-y, i di-y kon sa:

"Dèpi jòdi jou, ou ké ka koulé dèpi jou wouvè, jiktan soley kouché, ou pé ké jan ni sès."

Rivyè la té byen fouben, davwa, dèpi sa, tout moun té ka kriyé-y Gran Rivyè Zabitan
Jean Juraver